नाइजेरिया– नाइजेरियाको नाइजर सैन्य बेस क्याम्पमा विद्रोही लडाकुले गरेको आक्रमणमा परी ८९ जनाको मृत्यु भएको छ । यस वर्ष नाइजेरियन सैनिक क्याम्पमाथि भएको यो दोस्रो घातक आक्रमण हो ।

विद्रोही लडाकुको आक्रमणमा गत महिना ७१ सैनिकको मृत्यु भएको थियो । बिहीबार नाइजेरियन सरकारले २५ सैनिकको मृत्यु भएको र अन्य केही घाइते भएको बताएको थियो । तर, सुरक्षा स्रोतका अनुसार उक्त आक्रमणमा ८९ सैनिकको मृत्यु भएको छ । 

केही मृतक सैनिकको बिहीबार नै घटनास्थल नजिकै अन्त्येष्टि गरिएको थियो । रक्षा मन्त्री इसोफोउ काताम्बेले आइतबार बस्‍ने राष्ट्रिय सुरक्षा परिषद्‍को बैठकपछि कति जनाको मृत्यु भएको थियो भन्‍ने आधिकारिक र विस्तृत जानकारी दिइने बताएका छन् ।