काठमाडौं– महिलामाथि हुने हिंसाको एउटा विद्रुप रुप एक वर्षअघि सामाजिक सन्जालमा भाइरल भएको थियो । एउटा गुडिरहेको सार्वजनिक बसमा एक युवाले हस्तमैथुन गर्दै गरेको भिडियो सार्वजनिक भएको थियो । 

सामाजिक सन्जालमा मात्र नभएर पोर्न साइटहरुमा पनि उक्त भिडियो राखिएको थियो । त्यति बेला यो भिडियोको चर्को आलोचना भएको थियो  । केही महिला अभियन्ता यस विषयमा उजुरी गर्न प्रहरी महाशाखामा समेत पुगे । 

सार्वजनिक बसमा हस्तमैथुन गरेर बीर्य निकालेर महिलाको कपालमा छ्यापेको त्यही भिडियो बनाएका व्यक्ति रविन सार्कीलाई प्रहरीले मंगलबार सार्वजनिक गरेका छ । 

तनहुँका रवीन यो घटनाछि चितवनमा पुगेर लुक्दै आएका थिए । प्रहरीले यो घटनामाथि अनुसन्धान गरिरहेको थाहा पाएपछि उनी गत वर्ष नै भारतको दिल्ली पुगेका थिए । 

काठमाडौंमा बसेर रिक्सा चलाउँदै आएका रवीनले नयाँ दिल्लीमा एउटा मम कम्पनीमा काम गर्ने गरेको पनि प्रहरीलाई बताएका छन् । उनले त्यो भिडियो आफूले नै बनाएको पनि स्वीकार गरेका छन् ।

नयाँ दिल्लीमा केही महिना काम गरेपछि कास्मिरसमेत पुगेका रविन फेरि फर्किएर नयाँ दिल्लीमा काम गर्न थालेका थिए । केही महिनाअघिमात्र उनी चितवन आएका थिए । प्रहरीले लामो अनुसन्धानपछि उनलाई सोमबार चितवनमा पक्राउ गरेर मंगलबार काठमाडौंमा सार्वजनिक गरेको हो ।