एजेन्सी— बलिउड अभिनेता सैफ अलि खान अब उनको उमेरअनुसारको भूमिकामा काम गर्न चाहन्छन् । तानाजीः द अनसंग वारियरमा काम गरेका सैफ अली खान अब जवानी जानेमन फिल्ममा काम गरिरहेका छन् । यो फिल्मलाई नितिन कक्कडले निर्देशन गरेका हुन् । 

‘अब त म उमेरअनुसार आफ्नो भूमिकामा हुन चाहन्छु,’ सैफले भनेका छन्, ‘यही कुरा मैले नितिनलाई भनेको थिएँ । त्यसैले यो फिल्ममा म आलिया बेदीको बाबुको भूमिकामा छु ।’ यो फिल्म ३१ जनवरीमा रिलिज हुँदै छ ।