Tue, 18 Feb, 2020


लक्ष्यअनुसार खर्च गर्न नसक्ने भएपछि सरकारले घटायो बजेटको आकार
फरकधार / माघ २९, २०७६

काठमाडाैं– चालू आर्थिक वर्षको बजेट लक्ष्यअनुसार खर्च गर्न नसक्ने भएपछि सरकारले बजेटको आकार घटाएको छ । 



सरकारले यसअघि गत १५ जेठमा बजेट सार्वजनिक गर्दै १५ खर्ब ३२ अर्ब ९६ करोड ७१ लख रुपैयाँ बजेट विनियोजन गरेको थियो । चालु आव २०७६–०७७मा विनियोजित बजेटको १० दशमलव ४ प्रतिशत घटाएर बजेटको आकार १३  खर्ब ८५ अर्ब ९६ करोड ३६ लाख रुपैयाँ कायम गरेको हो । 

यसअघि सुरुमा चालूतर्फको बजेट ९ खर्ब ५७ अर्ब १० करोड १४ लाख रुपैयाँ बजेट विनियोजन गरेको थियो । अब चालूतर्फको बजेट ९ खर्ब ४ अर्ब ४६ करोड ८ लाख रुपैयाँ कायम गरिएको छ ।

त्यस्तै, यसअघि सुरुमा पुँजीगततर्फको बजेट ४ खर्ब ८ अर्ब ५९ लाख रुपैयाँ र वित्तीय व्यवस्थातर्फ बजेट १ खर्ब ६७ अर्ब ८५ करोड ९८ लाख रुपैयाँ विनियोजन गरिएको थियो ।

पुँजीगततर्फ ३ खर्ब २६अर्ब ८१ करोड २७ लाख रुपैयाँ र वित्तीय व्यवस्थातर्फ १ खर्ब ५४ अर्ब ५९ करोड १ लाख रुपैयाँ संशोधित बजेट कायम गरिएको छ । 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्