काठमाडौं– सञ्चार तथा सूचना प्रविधिमन्त्री पदबाट गोकुल बाँस्कोटाले राजीनामा दिएका छन् । सभामुख अग्निप्रसाद सापकोटाले सदनलाई जानकारी गराउँदै सञ्चारमन्त्री बाँस्कोटाले राजीनामा दिइसकेको बताएका हुन् ।

बिहीबार बसेको प्रतिनिधिसभा बैठकमा जानकारी गराउँदै सभामुख सापकोटाले भने, ‘मन्त्री बाँस्कोटाले राजीनामा बुझाइसक्नुभएको छ ।’ तर, सापकोटाले अनौपचारिक रूपमा राजीनामा गरेको जानकारी प्राप्त भएको बताएका छन् । 

एक स्विस कम्पनीसँग ७० देखि ७५ करोड रुपैयाँ कमिसन आउँदा त्यसको ७० प्रतिशत कमिसन आफूलाई दिन बार्गेनिङ गर्दै गरेको अडिओ टेप सार्वजनिक भएपछि मन्त्री बाँस्कोटाले राजीनामा दिएका हुन् ।