भारतको सर्वोच्च अदालतका एक न्यायाधीश अरुण मिश्राले भारतीय प्रधानमन्त्री नरेन्द्र मोदी दूरदर्शी तथा जिनियस भएको बताएका छन् । १५ सय पुराना कानुनको अन्त्य गरेको भन्दै न्यायाधीश मिश्राले मोदी र कानुनमन्त्री रविशंकर प्रसादको तारिफ गरेका हुन् । 

अन्तर्राष्ट्रिय न्यायिक सम्मेलन २०२० लाई सम्बोधन गर्दै मिश्राले भने, ‘हाम्रा बहुमुखी प्रतिभा भएका प्रधानमन्त्री नरेन्द्र मोदीका लागि धन्यवाद दिन चाहन्छु किनकि उनले भारतलाई अन्तर्राष्ट्रिय समुदायको एक जिम्मेवार सदस्य बनाएका छन् ।’

उनले भने, ‘उनी जिनियस र दूरदर्शी नेता हुन् ।’