एजेन्सी– बलिउड अभिनेत्री करिना कपुर खानले केही दिन यता आफ्ना प्रशंसकलाई खुसीको खबर दिइन्– उनी सामाजिक सन्जाल इन्स्टाग्राममा जोडिइन् । अब उनले इन्स्टाग्राममा आफ्ना तस्वीर पनि राख्न थालेकी छिन् । 

जोडिएको केही बेरमा नै ब्लू टिक पाएकी करिनाले अहिले एउटा तस्वीर राखेकी छिन्, जसमा उनले मास्क लगाएकी छिन् । अनि उनको यो मास्कको फोटोमा सबैले आफूहरु फिदा भएको भन्दै कमेन्ट गरेका छन् ।

पिंक कलरको मास्क लगाएकी करिनाले फोटो क्याप्सन लेखेकी छिन्– एउटा यस्तो पनि स्टार, मेरो मतलब हो, मास्क । अनि यो तस्वीरमा उनका प्रशंसकले मात्र होइन, बलिउडका स्टारहरुले समेत कमेन्ट गरेका छन् ।