फिल्म केदारनाथबाट बलिउडमा पाइला राखेकी अभिनेत्री सारा अलि खानले निस्फिक्री भएर भन्छिन् कि उनी समाज बदल्नका लागि फिल्मी लाइनमा लागेकी होइनन् । 

उनले समाजलाई सन्देश दिनका लागि अरु क्षेत्र भएको र आफ्नो क्षेत्र यो नभएको बताउँदै आएकी छिन् । 

‘मलाई त राम्रा कथाहरुको भाग हुनु छ,’ उनले भनेकी छिन्, ‘म त्यो अभिनय गर्न चाहन्छु जुन कथाबाट मानिसहरुसम्म पुग्न सक्छु ।’

उनले आफूलाई एक इन्टरटेनर मात्र मान्ने गरेको र सामाजिक सन्देश दिने कुरा आफ्नो काँधमा राख्न नरुचाउने पनि बताएकी छिन् । भारतीय मिडियासँग कुराकानी गर्दै साराले भनेकी छिन्, ‘अब मैले राजनीतिबारे आफ्नो धारणा राखेँ भने मलाई दैनिक धम्की आउँछन् । त्यसैले पनि मलाई यस विषयमा बोल्न मन छैन ।’