एजेन्सी– बलिउड इन्डस्ट्रीमा अहिले सबैभन्दा चलेकी गायिका हुन्, नेहा कक्कड । तर, उनी आफूलाई गायनमा मात्र सिमित राख्न चाहन्नन् । उनी त चान्स पाएको खण्डमा हिन्दी फिल्ममा पनि आउने तयारीमा रहेकी छिन् । 

तर, उनकै अनुसार यसका लागि उनीसँग एउटा सर्त चाहिँ सबैले मान्नुपर्छ । 

अनि उनले राखेको त्यो सर्त हो– फिल्म हिट हुनुपर्छ । भारतीय मिडियालाई दिएको एक अन्तर्वार्तामा उनले भनेकी छिन्– फिल्म निकै हिट हुने हो भने मात्र म आफूलाई त्यहाँ परीक्षा गर्न सक्छु नत्र म त्यता पाइला नै राख्दिनँ ।