एजेन्सी– विश्वमा बढिरहेको कोरोना भाइरसको प्रकोपकाबीच दिग्गज बलिउड अभिनेता दिलीप कुमार सेल्फ क्वारेन्टाइनमा बस्न थालेका छन् । ९७ वर्षका यी अभिनेताले सोमबार अबेर साँझ ट्विटरमा यो जानकारी दिएका हुन् । उनले लेखेका छन्, ‘कोरोना भाइरसको यो प्रकोपमा म पूरै आइसोलेसन तथा सेल्फ क्वारेन्टाइनमा छु । मलाई कुनै इन्फेक्सन नहोस् भन्नका लागि म यसरी बसेको हुँ ।’

यतिमात्र होइन, उनले आफ्ना प्रशंसकलाई पनि घरमा नै रहन अनुरोध गरेका छन् । ‘म तपाईंहरु सबैलाई अनुरोध गर्छु कि आफूलाई सुरक्षित राख्नुहोस् । सकेसम्म घरमा नै बस्नुहोस्, घरमा नै रहनुहोस् ।’

शुक्रबारमात्र यी अभिनेता पत्नी सायरा बानोको ट्विटरमा देखिएका थिए, एक भिडियोमा । त्यहाँ उनले लेखेका थिए– सबैलाई नमस्कार, म पहिलेभन्दा धेरै ठिक भइसकेको छु ।