लमजुङका सरकारी कार्यालय जानेले हात धुनै पर्ने
फरकधार / ८ चैत, २०७६

लमजुङ– लमजुङका सरकारी कार्यालयमा सेवाग्राहीलाई कार्यालयभित्र प्रवेश गर्दा हात धोएर मात्र प्रवेश गराउने व्यवस्था गरिएको छ ।

कोरोना भाइरसको संक्रमणबाट बच्न र जनतामा सचेतना ल्याउन सरकारी कार्यालयहरूले हात धुने व्यवस्था गराएका हुन् । यस्तो व्यवस्था जिल्ला प्रशासन कार्यालय लमजुङ र नेपाल विद्युत प्राधिकरण वितरण केन्द्र लमजुङले सुरु गरेको हो ।

प्रशासनले बिहीबारबाट हात धुने व्यवस्था सुरु गरेपछि जिल्लाका विभिन्न सरकारी कार्यालयले समेत यस्तो व्यवस्था सुरु गरिसकेका छन् । कार्यालय अगाडि राखिएको साबुन र पानीले हात धोएर मात्र सेवाग्राही कार्यालय प्रवेश गर्न पाउँछन् ।

कर्मचारीसमेत साबुनपानीले हात धोएर मात्र आफ्नो काममा खटिने गरेको लमजुङका प्रमुख जिल्ला अधिकारी लक्ष्मणबहादुर खड्काले बताए । प्रशासनले चलाएको यो हात धुने कार्यक्रमको सेवाग्राहीले प्रशंसा गरेका छन् ।

  • प्रकाशित मिति : चैत ८, २०७६ शनिबार २०:२६:१६,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक , ट्विटरमा, युट्युब पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
विश्वम्भर प्याकुरेल, अर्थशास्त्री
 |  २ कात्तिक, २०७७
मल्टिमिडिया