काठमाडौं– बहराइनमा रहेका तीन नेपालीलाई कोरोना भाइरस संक्रमण देखिएको छ । बहराइनका लागि नेपाली राजदूत पदम सुन्दासले यसकाे पुष्टि गरेका हुन् । 

राजदूत सुन्दासका अनुसार कोरोना संक्रमणको आशंकामा थप तीन नेपालीलाई क्वारेन्टाइनमा राखिएको छ । बहराइनमा हाल रोजगारीका लागि करिब ३५ हजार नेपाली पुगेका छन् ।

बहराइनमा कुल ३१० जनामा कोरोनाको संक्रमण देखिएको छ । उनीहरूमध्ये १२५ जनामा निको भइसकेका छन् भने एक जनाको मृत्यु भइसकेको छ ।