काठमाडौं– नेपाल आयल निगमले पेट्रोल, डिजेल र मट्टितेलको मूल्य समायोजन गरेको छ । यो समायोजनसँगै यी तीनै पेट्रोलियम पदार्थको मूल्य प्रतिलिटर १० रुपैयाँ घटेको छ ।

कोरोना भाइरस संक्रमणका कारण अन्तर्राष्ट्रिय बजारमा कच्चा तेलको मूल्य घटेसँगै नेपाल आयल निगमले यो मूल्य समायोजन गरेको हो । निगमले घटेको मूल्य बुधबार रातिबाट लागु हुने जनाएको छ ।

निगमका अनुसार हवाई इन्धनमा पनि प्रतिलिटर १५ रुपैयाँ घटेको छ । एलपिजी ग्यासको मूल्य भने यथावत छ । 

अब योसँगै पेट्रोलको मूल्य ९६ रुपैयाँ, डिजेल र मट्टितेलको मूल्य ८५ रुपैयाँ प्रतिलिटर पुगेको छ ।