कोरोना संकटका कारण अहिले अमेरिकी राष्ट्रपति डोनाल्ड ट्रम्प सबै देशहरुसँग सहयोगको याचना गरिरहेका छन् । विभिन्न देशसँग विभिन्न औषधि माग गरिरहेका ट्रम्पले भारतीय प्रधानमन्त्री नरेन्द्र मोदीसँग पनि हाइड्रोक्सीक्लोरोक्वीन औषधि दिन अपिल गरेका थिए ।

 उनले फोनमा नै मोदीसँग यो अनुरोध गरेका थिए । 

अब भारतीय प्रधानमन्त्री मोदीले यसको जवाफ दिएका छन् । उनले ट्रम्पलाई आफूले जति सक्छु, सहयोग गर्छु भनेका छन् । 

यसअघि भारतले औषधि निर्यातमा प्रतिबन्ध लगाइसकेको छ । मोदीले चाहिँ ट्रम्पलाई पहिले आफ्नो देशमा राखेर बढी भएको औषधी मात्र सहयोग गर्ने जानकारी दिएका छन् । हाइड्रोक्सीक्लोरोक्वीन मलेरियाको दशकौं पुरानो औषधी हा् । यसको सबैभन्दा धेरै उत्पादन भारतमा मात्र हुन्छ ।