पत्याउनुहोस् या नपत्याउनुहोस्, अहिले विश्वमा कहर मच्चाइरहेको कोरोनाभाइरसबारे एउटा फिल्म बनिसकेको छ ।
‘कोरोनाः डर नै भाइरस हो’ शीर्षकमा बनेको यो फिल्म यही महिनाको अन्त्यसम्ममा विभिन्न स्ट्रिमिङ साइटहरुमा प्रसारण हुने बताइएको छ ।
यो फिल्ममा सात जना मानिस एउटा लिफ्टमा अड्किएको देखाइएको छ र त्यहाँ एकजनाले खोक्न थालेपछि हुने डर र त्रासको कुरा उल्लेख गरिएको छ ।
यसलाई मोस्ताफा केशभरीले निर्देशन गरेका हुन् । उनले यो फिल्म कोरोनभाइरस विश्व महामारी हुनुभन्दा अगाडि नै बनाउन थालेका थिए ।
अब योसँगै यो फिल्मबारे अनेक तर्क गर्न थालिएका छन् । ‘कोरोनाः फियर इज भइरस’ नामको यो फिल्म अहिले रिलिज गर्नु अलिक छिटो हो कि भन्नेबारे धेरैले मत दिएका छन् । यसका कारण अझ मानिसहरु थप तनावमा आउनसक्ने बताइएको पनि छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।