काठमाडौं– बुढानिलकण्ठ नगरपालिका १०ले लकडाउन उल्लंघन गर्नेका लागि कारबाहीको सट्टा खादा ओढाउन थालेको छ । लकडाउन उल्लंघन गर्नेलाई लज्जित गराउन कारबाही गर्नुको सट्टा खादा ओढाइएइको हो । 

वडा कार्यालयले बिना काम बाहिर निस्किनेको संख्या बढेपछि शनिबारदेखि खादा ओढाउन सुरु गरेको हो । सम्झाई–बुझाई गर्दा नलागेपछि शरम होस्, गल्ती महसुस होस् भनेर त्यस्तो गर्न थालेको वडाध्यक्ष नवराज भट्टराइले बताए । 

यसका लागि वडा कार्यालयले विभिन्न स्थानमा ५० जना स्वयमसेवी खटाएको छ । कार्यालयले फ्लेक्स बनाएर पढ्न लगाउने तयारीसमेत गरेको उनले बताए ।