एजेन्सी– इटालीका अधिकारीहरुले देशमा कोरोनभाइरसको महामारी सुरु भएपछि पहिलो पटक सक्रिय संक्रमितको संख्यामा गिरावट आएको बताएका छन् । 

‘पहिलो पटक सक्रिय कोरोनाभाइरस संक्रमितको संख्या घटेको छ,’ नागरिक सुरक्षा एजेन्सीका प्रमुख एन्गेलो बोरेलीले भनेका छन्, ‘अहिले सक्रिय संक्रमितको संख्या घटेको छ । यसले नयाँ आशा जन्माएको छ ।’

सोमबार इटालीमा १ लाख ८ हजार २ सय ३७ जना कोरोनाभाइरस संक्रमित रहेको बताइएको छ । यो अघिल्लो दिनको भन्दा २० जनाले मात्र कमी हो । तर, यसलाई त्यहाँ नयाँ आशाका रुपमा लिइएको छ । 

आइतबार मात्र त्यहाँ नयाँ संक्रमितको संख्या ४ सय ८६ पुगेको थियो ।

इटालीमा अहिले अमेरिका र स्पेनपछि सबैभन्दा धेरै कोरोनाभाइरस संक्रमित भेटिएका छन् ।