बाजुरा– कारोनाभाइरसको र्यापिड टेस्ट गर्दा बाजुरामा एक जनामा पोजेटिभ देखिएको छ । उनलाई तीन पटकसम्म र्यापिड टेस्ट गरिएको थियो । 

उनलाई कोरोनाभाइरस संक्रमण भएको आशंका भएपछि आइसोलेसन कक्षमा राखिएको छ । उनी १८ वर्षकी युवती हुन् । 

अब उनको स्वाब संकलन गरेर पिसिआर परीक्षणका लागि धनगढी पठाउने भइएको छ ।

यही ठाउँमा पहिले भारतबाट आएका दुई जनामा पनि कोरोनाभाइरस संक्रमण देखिएको थियो । यसअघि भोजपुरमा पनि आजै र्यापिड टेस्टमा एक जनामा कोरोनाभाइरस संक्रमण देखिएको छ ।