काठमाडौं– कोरोनाभाइरस परीक्षणका लागि र्‍यापिड टेस्ट गर्दा काठमाडौंमा दुई जना नर्समा कोरोनाभाइरस एन्टिबडी पोजेटिभ देखिएको छ । यो मंगलबार अबेर साँझ आएको सूचना हो । 

त्रिपुरेश्वरमा रहेको केन्द्रीय कारागारको अस्पतालमा कार्यरत दुई जना नर्समा कोरोनाभाइरस पोजेटिभ देखिएको हो । 

उनीहरुलाई सोमबार नै टेकु अस्पतालको आइसोलेसनमा भर्ना गरिएको स्रोतले जानकारी दिएको छ । तर, सरकारले उनीहरुको पिसिआर रिपोर्ट आएपछि मात्र यसबारे विस्तृत सार्वजनिक गर्ने तयारी गरेको बताइएको छ  

उनीहरुको पिसिआर परीक्षणको नतिजा भोलिसम्ममा आउने बताइएको छ । 

नेपालमा अब ४२ जनामा कोरोनाभाइरस संक्रमण पुष्टि भएको छ । यीमध्ये पाँच जना ठिक भइसकेका छन् ।