काठमाडौं– पाटन अस्पतालमा उपचाररत पेप्सीकोलास्थित सनसिटी अपार्टमेन्टका आमा–छोरा कोरोना उपचारपछि घर फर्किएका छन् । स्वास्थ्य तथा जनसंख्या मन्त्रालयले बिहीबार यसबारे जानकारी गराएको हो ।  

मन्त्रालयका सचिव डा. विकास देवकोटाका अनुसार पेप्सीकोलाका ५८ छोरा र उनकी ८१ वर्षीया आमा कोरोना संक्रमण निको भएर डिस्चार्ज भएका हुन् । उनीहरुमा वैशाख १ गते कोरोना पुष्टि भएको थियो ।

गत ५ चैतमा बेलायतबाट नेपाल आएका आमा–छोरासहित ५२ वर्षीया बुहारीमा नेपाल आएको २८ दिनपछि १ वैशाखमा र्यापिड टेष्टमा एन्टिबडी पोजेटिभ देखिएको थियो । लगत्तै  उनीहरुलाई पाटन अस्पताल भर्ना गरिएको थियो ।