काठमाडौं– शंकर ग्रुप तथा जगदम्बाका सन्चालक सुलभ अग्रवाल धरौटीमा रिहा भएलगत्तै फेरि पक्राउ परेका छन् । उनलाई बिहिबार काठमाडौं जिल्ला अदालतले धरौटीमा रिहा गरेको थियो । तर, अदालत परिसरबाट बाहिर निस्किनेवित्तिकै उनलाई प्रहरीले पक्राउ गरेको छ ।

अदालतमा २५ लाख ५० हजार धरौटी बुझाएका अग्रवाललाई अब सम्पत्ति शुद्धीकरणसम्बन्धी मुद्दा चलाइने प्रहरीले जनाएको छ । 

महानगरीय प्रहरी परिसर काठमाडौंले अब उनलाई सम्पत्ति शुद्धीकरण अनुसन्धान विभागमा पठाउने भएको छ । 

यसअघि उनी २५ चैतमा ज्वरो नाप्ने यन्त्र थर्मल गनको कालोबजारी गर्दागर्दै रंगेहात पक्राउ परेका थिए । प्रहरीले स्वयं उनलाई थर्मल गन किन्नु पर्यो भनेर बोलाएको थियो । 

नेपालका लागि कीर्गिस्तानका वाणिज्यदूतसमेत रहेका अग्रवालको सबै सेवासुविधा थुतिएको छ ।