कोरोनाभाइरस (कोभिड १९) का कारण युरोपमा सबैभन्दा प्रभावित देशमध्ये एक हो, स्पेन । स्पेन युरोपेली देशमा सबैभन्दा बढी कोरोनाभाइरस संक्रमित र मृतकको देश हुन पुगेको छ । 

अब शुक्रबार आएको तथ्यांकअनुसार स्पेनमा कोरोनाभाइरसका कारण मृत्यु हुनेको संख्या २४ हजार ८ सय २४ पुगेको छ । शुक्रबार त्यहाँ २ सय ८१ जनाको निधन भएसँगै स्पेनमा मृतकको संख्या २५ हजार नाघेको हो । 

स्पेनको स्वास्थ्य मन्त्रालयले त्यहाँ अब कोरोनाभाइरस संक्रमितको संख्या पनि बढेर २ लाख १५ हजार पुगिसकेको बताएको छ ।

स्पेनले केहीअघि मात्र जारी लकडाउनलाई चार चरणमा अन्त्य गर्ने योजनाको घोषणा गरेको थियो । जुनको अन्त्यसम्म त्यहाँ जीवन नयाँ तरिकाले सामान्य हुने दाबी नेताहरुले गर्दै आएका थिए ।