भारतमा कोरोनाभाइरसका संक्रमितको संख्या विगत २४ घन्टामा सबैभन्दा धेरै भएको छ । भारतीय स्वास्थ्य मन्त्रालयले जनाएअनुसार भारतमा २४ घन्टामा ३ हजार ९ सय जनामा कोरोनाभाइरस संक्रमण देखिएको हो । योबीचमा एक सय ९५ जनाको कोरोनाभाइरसका कारण निधन भएको छ । 

एकै दिनमा यति धेरैमा संक्रमण र मृत्यु भएको भारतमा यो पहिलो पटक हो । 

भारतमा अब कोरोनाभाइरस संक्रमितको संख्या ४६ हजार ४ सय ३३ पुगेको छ । अनि कोभिड १९ का कारण भारतमा १ हजार ५ सय ५८ जनाको निधन भएको छ ।