बेलायतमा विगतका २४ घन्टामा ६ सय ९३ जनाले कोरोनाभाइरसका कारण ज्यान गुमाएका छन् । 

बेलायती विदेशमन्त्री डोमिनिक राबले दिएको जानकारीअनुसार अब बेलायतमा कोरोनाका कारण मृत्यु हुनेको संख्या २९ हजार ४ सय २७ पुगेको छ । 

विश्वमा सबैभन्दा धेरै नागरिकको कोरोनाभाइरसका कारण निधन हुनेमा यो दोस्रो ठूलो संख्या हो ।

बेलायतमा भन्दा धेरै अमेरिकामा कोरोनाभाइरसका कारण भएका मृत्यु दर्ज गरिएको छ । अमेरिकामा झन्डै ७० हजारको हाराहारीमा अब मृतकको संख्या पुगेको छ ।

यता, युरोपमा बेलायतपछि इटालीमा सबैभन्दा धेरैको निधन भएको छ । पछिल्लो तथ्यांकअनुसार अब इटालीमा २९ हजार ३ सय १५ जनाको निधन भएको छ ।