सप्तरीमा ड्युटीमा खटिएका प्रहरीको अचानक मृत्यु भएको घटना रहस्यमय बन्दै छ । यसअघि सोमबार त्यहाँ एक सशस्त्र प्रहरी असईको निधन भएको थियो । 

अब फेरि सप्तरीमा नै ड्युटीमा नै रहँदा अर्का एक प्रहरी हवल्दार रामबहादुर मगरको मृत्यु भएको छ । जिल्ला प्रहरी कार्यालय, सप्तरीका अनुसार उनको जिल्ला प्रहरी कार्यालयभित्रै ड्युटी गरिरहँदा मृत्यु भएको हो । 

उनी उदयपुरका हुन् । उनको मृत्यु किन भएको भन्न नसकिने र उनको शव पोस्टमार्टमका लागि लगिएको प्रहरीले जनाएको छ ।

सोमबार चाहिँ भारतसँग सीमा जोडिएको सप्तरीको बोदे बर्साइन नगरपालिका(९ देउरीमा खटिएका सशस्त्र प्रहरीका असई कुलबहादुर कार्कीको मृत्यु भएको थियो ।