भारतको महाराष्ट्रमा मात्रै अब कोरोनाभाइरस संक्रमितको संख्या लगभग २० हजार पुगेको छ । त्यहाँका मुख्यमन्त्री उद्धव ठाकरेले अहिले कोरोनाभाइरसलाई नियन्त्रणमा लिन नसकेको स्वीकार गरेका छन् । 

पछिल्लो २४ घन्टामा मात्र त्यहाँ १०८९ जनामा कोरोनाभाइरस संक्रमण देखिएको भारतीय स्वास्थ्य मन्त्रालयले जनाएको छ । 

यसका साथै त्यहाँ अब १९०६३ जनामा कोरोनाभाइरस देखिएको छ । अनि महाराष्ट्रमा मृतकको संख्या बढेर ७ सय ३१ पुगेको छ ।

महाराष्ट्रको मुम्बईमा मात्र अब ११ हजार ९ सय ६७ जना संक्रमित छन् । त्यहाँ ४ सय ६२ जनाको कोभिड १९ का कारण निधन भइसकेको छ ।