चीनमा कोरोनाभाइरस संक्रमण भएका नयाँ १४ जना व्यक्ति भेटिएका छन् । यो २८ अप्रिलपछि त्यहाँ यति धेरै कोरोनाभाइरस संक्रमित भेटिएको पहिलो पटक हो । 

यीमध्ये १४ मा दुई जना चाहिँ विदेशबाट आएको चीनले बताएको छ । १२ जनालाई चाहिँ स्थानीय स्तरमा कोरोनाभाइरस संक्रमण भएको हो । 

त्यस्तै शनिबार नै चीनमा लक्षण नभएका २० अन्य संक्रमित पनि भेटिएका छन् । यो १ मेपछि सबैभन्दा धेरै संक्रमित भेटिएको दिन भएको छ। 

यसका साथसाथै चीनमा अब संक्रमितको संख्या ८२ हजार ९ सय १ पुगेको छ । त्यहाँ कोभिड १९ का कारण ४ हजार ६ सय ३३ जनाले ज्यान गुमाएका छन् ।