भारतका पूर्वप्रधानमन्त्री तथा कांग्रेस नेता मनमोहन सिंह छातीमा समस्या भएपछि अस्पताल भर्ना भएका छन् । उनलाई दिल्लीको एम्स अस्पतालमा भर्ना गरिएको भारतीय मिडियाले जनाएका छन् ।
न्युज एजेन्सी एएनआईका अनुसार मनमोहन सिंहले छाती अत्यन्त दुखेको बताएपछि उनलाई अस्पतालमा लगिएको हो ।
कांग्रेस प्रवक्ता जयवीर शेरगिलले यो समाचारको पुष्टि गरेका छन् । उनले ट्विट गर्दै सिंहलाई स्वास्थ्यलाभको कामना गरेका छन् ।
सन् २००४ देखि सन् २०१४ सम्म भारतका प्रधानमन्त्री भएका सिंहको अवस्थाबारे थप जानकारी आउन बाँकी छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
