अमेरिकी राष्ट्रपति डोनाल्ड ट्रम्पले भारतलाई भेन्टिलेटर दिने भएका छन् । 

उनले ट्विट गर्दै यो जानकारी दिएका हुन् । उनले ट्विटरमा लेखेका छन्, ‘मलाई यो भन्न पाउँदा खुसी लागेको छ कि अमेरिकाले आफ्नो साथी भारतलाई भेन्टिलेटर दान गर्दैछ ।’

उनले आफूहरु यो महामारीमा नरेन्द्र मोदीको साथ रहेको पनि बताएका छन् । उनले लेखेका छन्, ‘हामी यस महामारीको समयमा भारत तथा नरेन्द्र मोदीको साथमा छौँ, हामी भ्याक्सिन बनाउने काममा पनि सहयोग गर्नेछौँ । साथसाथ मिलेर यो अदृश्य दुश्मनलाई हराउने छौँ ।