नेपालमा थप तीन जनामा कोरोनाभाइरस संक्रमण भएको पुष्टि भएको छ । योसँगै नेपालमा कोरोनाभाइरस संक्रमितको संख्या २ सय ७६ पुगेको छ ।
प्रादेशिक जनस्वास्थ्य प्रयोगशाला भैरहवामा गरिएको परीक्षणमा थप तीन जनामा कोरोनाभाइरस संक्रमण पुष्टि भएको हो ।
उनीहरु तीनै जना कपिलवस्तुको शिवराज नगरपालिकाका पुरुष भएको स्वास्थ्य मन्त्रालयले जनाएको छ ।
अहिलेसम्म उनीहरुको अवस्था सामान्य भएको पनि बताइएको छ ।
शनिबार नै यसअघि थप ६ जनामा कोरोनाभाइरस संक्रमण पुष्टि भएको थियो ।
उनीहरु बर्दिया, सिरहा, पर्सा, सर्लाही र चितवनका पुरुष तथा महिलाहरु थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।