काभ्रेको धुलिखेल अस्पतालमा एक सुत्केरीको मृत्यु भएको छ । उनी सिन्धुपाल्चोक बाह्रबिसेकी हुन् । २९ वर्षीया उनको कोरोनाभाइरस परीक्षण गरिएको छ । तर, यसको रिपोर्ट आइसकेको छैन । 

उनको बिहीबार राति मृत्यु भएको अस्पतालले जनाएको छ । 

काभ्रेका प्रदेश सभा सदस्य चन्द्र लामाले आफूले पनि यसबारे थाहा पाएको र अस्पतालसँग बुझ्दा उनको रिपोेर्ट नआइसकेको जानकारी पाएको फरकधारलाई जानकारी दिएका छन् ।

टिचिङ अस्पताल महाराजगन्जमा उनी सुत्केरी भएकी थिइन् । त्यहाँबाट घर फर्किएकी उनको स्वास्थ्यमा समस्या भएपछि उपचारका लागि धुलिखेल अस्पताल लगिएको थियो ।