स्वास्थ्य तथा जनसंख्या मन्त्रालयले जनाएअनुसार गुल्मी, मोरङ, धनुषा, रौतहट, दाङ र धादिङमा पनि कोरोनाभाइरस संक्रमण देखिएको छ । सोमबार उनीहरुको परीक्षण गर्दा कोरोनाभाइरस संक्रमण देखिएको हो । यी जिल्लाहरुमा एक एक जनामा कोरोनाभाइरस संक्रमण देखिएको स्वास्थ्य मन्त्रालयले जनाएको छ ।

अब नेपालमा कोरोनाभाइरस संक्रमितको संख्या ३ सय ५७ पुगेको छ ।

पछिल्लो समय भेटिएका कोरोनाभाइरस संक्रमित १८ देखि ३६ वर्ष उमेर समूहका छन् । सबैको स्वास्थ्य अवस्था सामान्य रहेको बताइएको छ । 

योसँगै नेपालमा सोमबार मात्र ६१ जनामा कोरोनाभाइरस संक्रमण पुष्टि भएको छ ।