नेपालमा अब कोरोनाभाइरसका कारण चार जनाको मृत्यु भएको छ । वीरगन्जको नेसनल मेडिकल कलेजमा मृत्यु भएका एक व्यक्तिमा कोरोना संक्रमण भएको पुष्टि भएसँगै नेपालमा कोरोनाका कारण चार जनाको मृत्यु भएको पुष्टि भएको हो ।

बाराका ७० वर्षका यी व्यक्तिको ४ जेठमा उपचारका क्रममा निधन भएको थियो । त्यति बेला उनको स्वाब संकलन गरिएको थियो । 

अब उनलाई कोरोनाभाइरस संक्रमण भएको पुष्टि भएको हो । तर, स्वास्थ्य तथा जनसंख्या मन्त्रालयले यसबारे आधिकारिक पुष्टि गरेको छैन ।

ती वृद्ध क्षयरोग, दम र निमोनियाबाट ग्रसित वृद्धलाई उनको परिवारले जेठ २ गते अस्पतालको भेन्टिलेटरमा भर्ना गराएका थिए ।

तर, कोरोना परीक्षणको रिपोर्ट नआउँदै जेठ ४ गते राति वृद्धको मृत्यु भएको थियो ।

अस्पतालले वृद्धको शव परिवारको जिम्मा लगाएपछि मृतकका आफन्तले उनको धार्मिक परम्पराअनुसार नै अन्त्येष्टी गरेका थिए ।