रुकुम पश्चिममा जातीय विभेदका कारण युवाहरुको हत्या भएकोबारे छानबिन गर्न संसदीय समिति गठन हुने भएको छ । 

प्रतिनिधिसभाको शुक्रबारको बैठकमा सभामुख अग्निप्रसाद सापकोटाले संसदीय समिति गठन गर्ने बताएका हुन् । 

१० जेठमा पश्चिम रुकुममा ६ जना युवाहरूको हत्या भएको थियो । उक्त घटनामा दलित युवाहरूमाथि हमला गरिएको थियो । प्रतिनिधिसभाको शुक्रबारको बैठकमा सभामुख सापकोटाले उक्त घटनाको छानबिन गर्न संसदीय छानबिन समिति गठन हुने बताएका हुन् ।

प्रतिपक्षी कांग्रेसका सांसदहरुले उक्त घटनाको छानबिन गर्नका लागि संसदीय छानबिन समिति गठन गर्न माग गरेका थिए ।