भारतमा टिभीमा निकै चर्चा कमाएकी ये रिश्ता क्या कहलाता हैकी अभिनेत्री मोहिना कुमारी सिंह कोरोनाभाइरस संक्रमित भएकी छिन् । केही दिनअघि उनलाई कोरोना संक्रमण पुष्टि भएको थियो । 

त्यसपछि उनी अस्पतालमा भर्ना भएकी थिइन् । सामाजिक सन्जालमा उनले आफ्नो स्वास्थ्यबारे बारम्बार अपडेट गरिरहेकी छिन् । 

अब उनले आफू अस्पतालबाट घर फर्किएको बताएकी छिन् । तर, उनी अझै पनि कोरोना पोजेटिभ छिन् । 

‘म घर आएकी छु, तर अझै कोरोना पोजेटिभ छु,’ उनले सामाजिक सन्जालमा लेखेकी छिन्, ‘आइसोलेसनमा बसेकी छु, मलाई थाहा छ, म अझै केही दिन कोरोनासँग लड्नेछु ।’