सरकारले  कोरोना कहरका​ बीच १५ असारमा १७ औं  राष्ट्रिय धान दिवस मनाउने भएको छ ।

कृषि अनुसन्धान परिषद्को कार्यालय परिसर खुमलटारमा सामाजिक र व्यक्तिगत दूरी कायम गर्दै धान दिवस मनाइने कृषि विभागले पत्रकार सम्मेलन गरेर जानकारी दिएको छ ।

धान उत्पादनमा वृद्धि आत्मनिर्भरता र समृद्धि भन्ने मूल नाराका साथ साङ्केतिक कार्यक्रम गरिने कृषि विभागको भनाइ छ ।

मनसुन समयमै सुरु हुँदा गत वर्षको तुलनामा असार १० गतेसम्म ८.४१ प्रतिशत बढी क्षेत्रमा धान रोपाइँ सकिएको विभागले जनाएको छ । 

यसवर्ष अहिलेसम्म दुई लाख ७५ हजार २९ हेक्टरमा धान रोपाइँ सकिएको विभागको भनाइ छ ।