दाङको शान्तिनगर गाउँपालिका–२ का अध्यक्ष फर्साराम डाँगी कार्यकक्षमै कुटिएका छन् ।
वडा अध्यक्ष डाँगीलाई चार जनाको समूहमा आएका व्यक्तिले कार्यकक्षमै कुटपिट गरेका हुन् ।
आक्रमणकारीले वडा अध्यक्ष डाँगीमाथि रड प्रहार गरेर घाइते बनाएको जिल्ला प्रहरी कार्यालय दाङका डिएसपी सुमित खड्काले जानकारी दिए ।
मंगलवार बिहान अध्यक्षमाथि कुटपिट भएको र घाइते अध्यक्षको उपचार प्रादेशिक अस्पताल तुलसीपुरमा भइरहेको छ ।
मुख छोपेर आएको समूहले डाँगीमाथि कुटपिट गरेको थियो । कुटपिट गर्ने समूह पहिचान नभएपनि घटना भएको स्थलबाट नेत्रविक्रम चन्द ‘विप्लव’ नेतृत्वको पर्चा फेला परेको प्रहरीले जनाएको छ ।
अध्यक्षमाथि कुटपिट गर्नेहरुको खोजी भइरहेको डिएसपी खड्काले बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
