झापा– नेकपाभित्र अप्ठ्यारोमा परेका प्रधानमन्त्री केपी शर्मा ओलीको समर्थनमा उनको गृहजिल्ला झापामा बिहीबार प्रदर्शन भएको छ । 

प्रधानमन्त्री ओलीलाई घेराबन्दीमा पारिएको र राजीनामा मागिएको भन्दै ओलीका समर्थकहरूले प्रदर्शन गरेका हुन् ।

यसअघि काठमाडौमा पनि प्रधानमन्त्रीको समर्थनमा प्रदर्शन भएको थियो । आजै अपरान्ह काठमाडौंको माइतीघरमा प्रदर्शन भएको थियो ।

सरकारले राम्रो काम गरिरहेको, तर केही नेताले आफ्नो स्वार्थ पूरा गर्न र भारतीय चलखेलका आधारमा ओली सरकार ढाल्न खोजेको प्रदर्शनकारीको आरोप थियो । 

उनीहरुले वर्तमान सरकारलाई पूरा कार्यकाल काम गर्न दिनुपर्ने माग राखेका थिए ।