उत्तर प्रदेशको कानपुरका एक अपराधी विकास दुबेलाई पक्राउ गर्न बिहीबार पुगेको प्रहरीमाथि उनको समूहले गोली चलायो । दुबे त घटनामा मारिएनन् तर आठ भारतीय प्रहरीले यो घटनामा ज्यान गुमाए ।

अब यी दुबेको घरमा प्रहरीले व्यापक खोजतलास गरेको छ । उनको घरलाई प्रहरीले तोडफोड गरेको छ ।

बिकरु गाउँमा लगभग २ हजार वर्गमिटरमा फैलिएको उनको घरमा व्यापक सुरक्षा अपनाइनाएको थियो । घरभित्र र घरबाहिर त्यहाँ निकै धेरै नाइट भिजन क्यामेरा राखिएको भारतीय मिडियाले जनाएका छन् ।

भारतीय मिडिया लाइभहिन्दुस्तानमा दुबेको खोजी व्यापक भए पनि उनी नभेटिएको र उनी नेपाल प्रवेश गरेको आशंका त्यहाँको प्रहरीले गरेको एक रिपोर्ट प्रकाशित भएको छ । 

तर, अहिले कोरोनाभाइरस संक्रमणको समयमा उनी नेपाल कसरी आए होलान् भन्नेबारे केही खुलेको छैन ।