गण्डकी प्रदेशमा थप ३ जनामा कोरोनाभाइरस संक्रमण भएको पुष्टि भएको छ । पछिल्ला केही दिन यता गण्डकीमा सबैभन्दा कम आज कोरोनाभाइरस संक्रमित थपिएका हुन् । 

गण्डकीका दुई जिल्ला तनहुँ र बाग्लुङमा कोरोना संक्रमित थपिएका हुन् ।

स्वास्थ्य निर्देशनालय, गण्डकी प्रदेशले जनाएअनुसार तनहुँको व्यास नगरपालिकामा ६ वर्षीय बालक र शुक्लागण्डकी नगरपालिकामा २८ वर्षका युवामा कोरोनाभाइरस संक्रमण देखिएको हो ।

बाग्लुङको काठेखोला नगरपालिकाका संक्रमित २४ वर्षका पुरुष रहेका छन् । 

आज ३ जना थपिएसँगै गण्डकीमा कोरोना संक्रमितको संख्या १०९१ पुगेको छ ।