गत वर्ष डिसेम्बरको अन्त्यमा चीनको वुहानमा पहिलो पटक मानिसमा देखिएको कोरोनाभाइरसका कारण अहिले विश्व त्रसित बनेको छ ।
अब विश्वभर कोरोनाभाइरस संक्रमितको संख्या १ करोड ११ लाख ८७ हजार १ सय ९३ पुगिसकेको छ । जोन्स हप्किङ्स विश्वविद्यालयका अनुसार अहिलेसम्म कोरोनाका कारण ५ लाख २८ हजार ३ सय ६४ जनाले ज्यान गुमाइसकेका छन् ।
कोरोनाबाट सबैभन्दा प्रभावित देश बनेको छ अमेरिका । अमेरिकामा २८ लाख भन्दा धेरैमा कोरोना संक्रमण भएको छ । त्यसपछि ब्राजिलमा १५ लाख ३९ हजार, रुसमा ६ लाख ७३ हजार, भारतमा ६ लाख ४८ हजार र पेरुमा २ लाख ९९ हजारमा कोरोनाभाइरस संक्रमण देखिएको छ ।
कुनै समय निकै ठूलो प्रभाव देखिएका युरोपका केही देशहरुमा अब विस्तारै कोरोनाभाइरस नियन्त्रणमा आउन थालेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।