अमेरिकी सेनाले चिनियाँ पत्रिका ग्लोबल टाइमसको एक रिपोर्टलाई आधार मान्दै चीनमाथि आक्रमण गरेको छ । ग्लोबल टाइम्सको समाचारमा चीनसँग अहिले एन्टी एयरक्राफ्ट बाहक हतियार भएकाले चिनियाँ सेनाले दक्षिणी चिनियाँ सागर पूरै कब्जामा लिएको उल्लेख गरेको थियो । 

अमेरिकी नौसेनाले चाहिँ अब यसमा प्रतिक्रिया दिँदै यसबाट आफूहरु नडराएको जनाएको छ ।

ग्लोबल टाइम्सले यो समाचारलाई ट्विटरमा पनि सेयर गरेको थियो । ट्विटरमा लेखिएको थियो, ‘दक्षिणी चिनियाँ सागर अब पूरै एलपिएको नियन्त्रणमा छ ।’

यसलाई प्रतिक्रिया दिँदै अमेरिकी नौसेनाका एक अधिकारीले लेखेका छन्, ‘दक्षिणी चिनियाँ सागरमा अहिले पनि अमेरिकी नौसेनाका दुई विमान उपस्थित् छ । र, उनीहरु डराएका छैनन् ।’