जंगली जनावरको शिकार गर्ने र उनीहरुलाई बासस्थानबाट लखेट्ने काम गरिरहेमा मानिसले कोरोनाभाइरसभन्दा पनि खतरनाक महामारीको सामना गर्नुपर्ने संयुक्त राष्ट्रसंघ (युएन)ले चेतावनी दिएको छ ।

पर्यावरणसँग सम्बन्धित युएनकोे इन्भाएरोमेन्ट प्रोग्राम एण्ड इन्टरनेशनल लाइभस्टक रिसर्च इन्सटिच्युटका विशेषज्ञहरुले यस्तो सुझाव दिएका हन् ।

सम्भावित खतरनाक महामारीबाट जोगिन जीवजन्तु मार्न र प्राकृतिक स्रोतसाधनको दोहन गर्न नहुने उनीहरुको सुझाव छ ।

कोरोनाभाइरस जस्ता महामारी आउनुमा पर्यावरणमा क्षति, प्राकृतिक स्रोतसाधनको अत्यधिक दोहन, जलवायु परिवर्तन र जंगली जनावरको उत्पीडन मुख्य कारण रहेको बिज्ञहरुको भनाइ छ ।

उनीहरुका अनुसार केही वर्षयता जनावर र पंक्षीबाट मानिसमा सर्ने रोग लगातार बढ्दै गइरहेको छ । 

यदि मानिसले पर्यावरण र जंगली जीवजन्तुलाई बचाएनन् भने यस्तै अन्य महामारीको सामना गर्नुपर्ने पर्यावरण र स्वास्थ्य विशेषज्ञहरुले चेतावनी छ ।