बलिउड अभिनेता सुशान्त सिंह राजपुतको निधन भएको केही समय भइसकेको छ । तर, उनको विषयमा विभिन्न समाचारहरु आउने क्रम रोकिएको छैन ।
यहीबीच उनकी प्रेमिका रिया चक्रवर्ती अहिले विवादको घेरामा जोडिएकी छिन् । सुशान्तको निधन भएको ४४ दिनपछि उनका बाबुले रियाविरुद्ध एफआइआर दर्ज गरेका छन् ।
यसमा उनले रियाले सुशान्तलाई आत्महत्या गर्न बाध्य बनाएको उल्लेख गरेका छन् । यतिमात्र होइन, सुशान्तका बाबुले रियाले विस्तारै आफ्नो परिवारबाट सुशान्तलाई अलग गरेको पनि आरोप लगाएका छन् ।
अब फेरि यही विषयमा अर्को एक लफडा सुरु भएको छ । सुशान्तको निधनपछि उनको ट्विटरबाट आलिया भट्टलाई फलो गरिएको कुरा अहिले निकै चर्चामा आउन थालेको छ । एउटा स्क्रिनसट आएपछि कंगना रनौट पनि त्यसमा जोडिएकी छिन् ।
कंगना रनौटले त यस्तो काम रियाले गरेको हुनसक्ने बताएकी छिन् । उनले यसमा पनि सिबिआइ जाँचको माग गरेकी छिन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।