सभामुख अग्निप्रसाद सापकोटाको कोरोनाभाइरस रिपोर्ट नेगेटिभ आएको छ । यसअघि उनको अगुवा गाडी चालक प्रहरीमा कोरोनाभाइरस संक्रमण देखिएपछि उनको कोरोनाभाइरस संक्रमण परीक्षण गरिएको थियो । 

ती प्रहरीमा कोरोनाभाइरस संक्रमण भएको पुष्टि भएसँगै सभामुख सापकोटा, उनको सचिवालय र सुरक्षामा खटिएका सुरक्षाकर्मी सबैको कोरोना परीक्षण गरिएको थियो ।

तर, सबैको कोरोना रिपोर्ट नेगेटिभ आएको छ ।

सभामुख सापकोटाका अगुवा गाडी चालक चाहिँ प्रहरी प्रधान कार्यालयमा बस्ने गरेको र त्यहाँ नै उनलाई कोरोनाभाइरस संक्रमण भएको हुनसक्ने अनुमान गरिएको छ ।