सुनको मूल्य तोलामै करिब एक लाख रुपैयाँ पुगेको छ । गत शुक्रबारको तुलनामा  ३ सय रुपैयाँले बढेर छापावाल सुनको मूल्य आइतबार प्रतितोला ९९ हजार ६ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।

शुक्रबार छापावाल सुनको मूल्य ९९ हजार ३ सय रुपैयाँ थियो ।

महासंघले आइतबारका लागि तेजाबी सुनको मूल्य ९९ हजार १ सय ६० रुपैयाँ तोकेको छ । यसैगरी चाँदीको तोलामा १ हजार २ सय ३० रुपैयाँ पुगेको छ ।

अन्तर्राष्ट्रिय बजारमा बढेको सुनको मागका कारण मूल्य निरन्तर बढेको महासंघले जनाएको छ । मूल्य बढेसँगै नयाँ गहन बिक्री शून्य बराबर रहेको तथा पुरानो गहना बेच्नेको संख्या बढ्न थालेको व्यवसायीहरुले जनाएका छन् ।