काठमाडौं– भारतीय विदेश मन्त्री एस जयशंकरले भगवान् बुद्धलाई ‘महान् भारतीय’ भनेर दिएको अभिव्यक्ति विवादास्पद बनेपछि भारतीय विदेश मन्त्रालयले भगवान् गौतम बुद्धको जन्मभूमि नेपाल नै भएको स्पष्टीकरण दिएको छ ।
विदेश मन्त्रालयले भनेको छ, ‘यसमा कुनै शंका छैन कि गौतम बुद्ध लुम्बिनीमा जन्मिएका हुन्, जुन नेपालमा पर्छ ।’ जयशंकरको अभिव्यक्ति साझा बौद्ध विरासतको सन्दर्भमा आएको विदेश मन्त्रालयको प्रस्टीकरण छ ।
जयशंकरको भनाइको खण्डन गर्दै नेपालको परराष्ट्र मन्त्रालयले बुद्धको जन्म नेपालमा भएको धेरै प्रमाण रहेको र त्यसलाई विश्वले स्वीकार गरेकाले बुद्धको जन्मभूमि बहसको विषय नभएको बताएको थियो ।
नेकपा नेता माधव नेपालले पनि बुद्धको जन्मभूमिबारे कुनै आशंका नरहेको बताएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।