एजेन्सी– कोरोना आशंकामा अस्पताल भर्ना भएका बलिउड अभिनेता सञ्जय दत्त डिस्चार्ज भएर घर फर्किएका छन् । अस्पताल पुगेलगत्तै कोरोनाको परीक्षण गराइएकोमा उनमा कोरोना रिर्पोट नेगेटिभ आएको थियो । 

छाती र श्वासप्रश्वासमा समस्या देखिएपछि उनी शनिबार लीलावटी अस्पताल भर्ना भएका थिए । अस्पतालमा इन्टेन्सिभ केयरमा राखेर उपचार गरेपछि उनी सोमबार निको भएर डिस्चार्ज भएका हुन् ।   

अक्सिजनको स्तरमा कमी आएका कारण उनलाई अस्पतालमै राखी उपचार गरिएको थियो । अक्सिजनस्तर नर्मल भएपछि सञ्जयलाई डिस्चार्ज गरिएको उनको उपचारमा संलग्न डा.पारकरले पुष्टि गरेका छन् ।