खानेपानी तथा ढल व्यवस्थापन विभागको महानिर्देशकमा मीना श्रेष्ठ नियुक्त भएकी छिन् । उनी इतिहासमै विभागको पहिलो महिला महानिर्देशक हुन् । 

पाँच दशकअघि स्थापना भएको यस विभागमा यसअघि पुरुष मात्र महानिर्देशक थिए । २०५३ सालदेखि सरकारी सेवामा कार्यरत श्रेष्ठ यसअघि विभागको उप महानिर्देशक थिइन् । 

विभागका महानिर्देशक सुनीलकुमार दास खानेपानी मन्त्रालय सरुवा भएसँगै विभागको महानिर्देशकमा श्रेष्ठ नियुक्त भएकी हुन् ।

नेपालभित्र खानेपानी र ढल व्यवस्थापन सम्बन्धी सेवा सञ्चालनको व्यवस्था गर्न २०२९ सालमा खानेपानी तथा ढल व्यवस्थापन विभाग स्थापना गरिएको थियो ।