गायक कमल खत्रीको ‘पानी पिउने’ बोलको नयाँ गीत सार्वजनिक भएको छ । सोमबार भिडियोसहित सो गीत कमल खत्रीकै युट्युब च्यानलबाट सार्वजनिक गरिएको हो । 

सुमन योञ्जनले लेखेको यो गीतको भिडियोमा रियाशा दाहाल, दीपक घिमिरे, विशाल रेग्मी मुख्य भूमिकामा फिचर्ड छन् । गाउँले परिवेशमा खिचिएको यो गीतमा दुई युवक गाउँ घुम्न जाँदा धारामा पानी भरिरहेकी एक युवती देखेर मोहित हुन्छन् । गीतमा ती युवाहरुले युवतीलाई फकाउन गरेको प्रयत्नलाई देखाइएको छ । 

गीतमा स्वर र संगीत कमल खत्रीको रहेको छ । भिडियोमा कमल खत्रीको पनि अभिनय रहेको छ । त्यसैगरी, नितिन चन्दले निर्देशन गरेको सो गीतको भिडियोमा विशाल महराको कोरियोग्राफी रहेको छ ।